কালি দুপৰীয়া প্ৰত্যক্ষ্য কৰিছিলোঁ
ওলমি ওলমি পাৰহৈ গৈ থকা
এখন পানীৰ টোপালৰ ৰেলগাড়ী
সাউৎকৈ গৈ থাকে

গৈ থকা দাবাৰ চিন-মোকাম নাই
কোনো ষ্টেচনতে ৰৈ নাযায়
নৰৈ নৰৈ বৈ যায়
পানীৰ টোপালৰ ৰেলগাড়ী
কাৰণ এবাৰ ৰৈ গ'লেই যে
ৰৈ যাব বহু ঘণ্টাৰ বাবে অচল হৈ

এখন পানীৰ টোপালৰ ৰেলগাড়ীয়ে
মহতিয়াই লৈ গ'ল
মোৰ পানীৰঙী সপোনৰ চিঞাহীৰে অঁকা
সপোনৰ সাঁচ

পৰি ৰ'লোঁ শ এটা হৈ
পানীৰ টোপালৰ ৰেলগাড়ীয়ে মহতিয়াই লৈ যোৱা
জীৱন এটাৰ
বেজীৱন ইতিহাস হৈ ......

বৰষুণৰ দিন এটাৰ অপেক্ষাত ......
যিদিনা সাপটগ্ৰাম বজাৰৰ এডাল ওলমি থকা ৰচীৰে
গৈ থাকিব
পানীৰ টোপালৰ ৰেলগাড়ী

পানীৰ টোপালৰ ৰেলগাড়ীত উঠিব নোৱাৰাৰ দুখত
মদ খাম আজি !

ණ কন্দৰ্পজিৎ কল্লোল