============

মই সম্প্ৰতি এটা মৰাশৰ দৰে
মূৰৰ ওপৰত ক্ষুধাতুৰ শগুণৰ জাক ......

তাৰ পিছতো তোৰ শঙ্খ দেহৰ
শঙ্খজ সপোন এটা লৈ ফুৰোঁ
বুকুৰ সোঁমাজত

শঙ্খ বাজে
বিষাদ নামে
উদাস হৈ উঠে সন্ধিয়া

মই নৈৰ দাঁতিত শঙ্খজ সপোন এটা কঢ়িয়াই লৈ বহি থাকোঁ
শঙ্খকন্যাৰ অপেক্ষাত

আকৌ আথানিকোঁৱৰৰ সাধুকথাই দৃশ্যপট সলায়

জলকুঁৱৰীৱে জলকোঁৱৰৰ লগত পলাই যায়
বিৰিণাকুঁৱৰীৰ অভিশাপত মই আথানিকোঁৱৰ হৈ বিষাদৰ বোজা কঢ়িয়াই থাকোতেই এদিন লগ পাই যাওঁ শঙ্খকন্যাক

আৰু এদিন শঙ্খকন্যাৰ শঙ্খজ বুকুত ফুঁ এটা মাৰি
নদীত ডুব যাওঁ

এই সাধুকথাৰ নতুন দৃশ্যপট আৰম্ভ হ'ব এতিয়া
তাৰ আগতে এটা অনিদৃষ্টকালিন
বানিজ্যিক বিৰতি !

ණ কন্দৰ্পজিৎ কল্লোল

(৭ চ'ত, ১৯৩৬ : দেওবাৰ)